IHS dhe PRAK nënshkruajnë marrëveshje për grant institucional

Më 13 maj 2024, projekti Shërbimet Shëndetësore të Integruara (IHS) dhe Shoqata për të Drejtat e Pacientëve në Kosovë (PRAK) nënshkruan një grant institucional që synon transformimin e PRAK-ut në një organizatë të qëndrueshme dhe më gjithëpërfshirëse. 

Granti do t'i sigurojë PRAK-ut burimet e nevojshme për të zbatuar ristrukturimin organizativ, për të zgjeruar kapacitetet dhe për të rritur më tej profilin e tij publik dhe rrjetëzimin. Një transformim i tillë synon të mbështesë PRAK-un në misionin e tij të kujdesit ku pacienti, në sistemin shëndetësor të Kosovës, është në qendër.

“Sot shënon një moment kyç për PRAK-un, pasi ne po nisim një udhëtim transformues drejt qëndrueshmërisë dhe ndikimit më të madh”, tha Besim Kodra, Menaxher i Programit të PRAK-ut. “Me mbështetjen e IHS-së, jemi të vendosur të përmirësojmë strukturën dhe programet tona, duke siguruar që angazhimi ynë për mbrojtjen e të drejtave të pacientëve të mbetet i fortë”.

IHS-ja është e përkushtuar të mbështesë PRAK-un përmes hapave të qartë dhe të matshëm të projektuar për të rritur efikasitetin dhe transparencën operacionale. Kjo përfshin nxitjen e partneriteteve me organizata të tjera për të shfrytëzuar burimet dhe ekspertizën, për të diversifikuar zërat e pacientëve dhe për të përforcuar përpjekjet për avokim.

Kjo marrëveshje nënkupton një lëvizje strategjike drejt përforcimit të mëtejshëm të PRAK-ut, ku fokusi mbetet në përmirësimin e rezultateve të kujdesit shëndetësor dhe në avokimin për të drejtat dhe nevojat e pacientëve në të gjithë vendin”, tha Dr. Ilir Mecini, Zëvendës Drejtues i Ekipit të IHS-së.